Diadomingo marduga, alrededor di 4:20 am? polis a presenta pafo di Lekker Bar p’un pelea. Na yegada di polis, testigonan a conta cu e victima ya a bandona sitio. Despues di e pelea, a sigui pa hospital pa ricibi cuido medico avansa.
Un poco pabou di Lekker a topa cu dos persona tur zjangurna. Un hende muhe y algun hende homber. E momento ey, a conta polis cu un grupo a golpia nan.
![](https://24ora.com/wp-content/uploads/2024/06/WhatsApp-Image-2024-06-16-at-09.10.33_b6690778.jpg)
No a dura mucho cu un otro patruya di polis a confronta nan cu prueba. Caminda via camara di siguridad a mira cu ta nan t’esun cu a dal e otro cu boter den cabes.
Parce cu tur cos a surgi pa via di weg’i baseball. A perde wega merdia y awo parce cu a perde pelea anochi tambe.
Polis a detene e hende muhe pa maltrato. A splica e sospechoso riba su derechonan. Den un transporte policial a hib’e pa ward’i polis caminda a present’e dilanti un subfiscal.
![](https://24ora.com/wp-content/uploads/2024/06/WhatsApp-Image-2024-06-16-at-09.10.33_81e9568a.jpg)
![](https://24ora.com/wp-content/uploads/2024/06/WhatsApp-Image-2024-06-16-at-09.10.34_eb7efa3f.jpg)
![](https://24ora.com/wp-content/uploads/2024/06/WhatsApp-Image-2024-06-16-at-09.10.33_dffeaa1c.jpg)