Diasabra un detencion a cay na Tanki Flip.Basa riba un denuncia haci na recherche di Oranjestad, un grupo di cuater recherche a bay na un apartamento na Tanki Flip. Eynan a topa cu e homber naci na Colombia cu status ilegal na Aruba.
E ta e persona cu nan tabata tin mester relaciona cu e denuncia haci. E tabata sosega ainda e momento ey y autoridad a lant’e for di soño. A mustr’e riba su derechonan y mesora a pone boei na su mannan.
E ta sospechoso di oplichting y tambe valsheid in geschrifte. El a perhudica hende financieramente usando documento falso.
Despues di su detencion, transporte policial di Noord a presenta y a hiba e sospechoso warda di recherche na Wayaca.