Un grupo di turista a paralisa e area di beach banda di De Palm Pier diasabra anochi.
For di trempan nan a cuminsa bebe y na dado momento casi no por a para riba nan pia mas. Nan tabata hopi intoxica. Dado momento uno a drenta lama. Tur cos ta mustra cu den lama el a haya problema te cu otronan a drenta pa sac’e. Na tera a cuminsa reanima y bati alarma na polis y ambulance.
Na yegada e polisnan a topa cu e grupo, cu segun nan, tabata consisti di nuebe persona.
Ya n’e momento ey tabata haya falta di un of mas den e grupo. Polisnan mes a mira cu nan no por a para drechi riba nan pia di burachi cu nan ta. Dos ambulance a presenta y despues di basta traha cu ne a logra trece e pulso di e victima bek. E tabata basta intoxica.
A bay cu ne hospital unda dokter a atende cu ne. Mientrastanto polisnan na e sitio a zorg pa garantisa cu tur persona t’ey. Prome tabata falta un di e turistanan. Nan a logra haya tur y asina tension a calma.
Despues un di esnan intoxica a sac den otro na beach y mesora polis a bolbe pidi pa ambulance cu urgencia. Mientras tabata reanima e persona aki na beach e paramediconan di ambulance a yega y tuma over.
E di dos tambe a bay den ambulance cu urgencia. E no tabata facil pa deal cu e grupo di turista intoxica cu tabata papia tur cos bruha den otro.
Polis tabata pendiente pa e resto di e grupo bebi si nan lo a bay hospital causa problema.
![](https://24ora.com/wp-content/uploads/2024/03/IMG_0687-1920x1440.jpg)
![](https://24ora.com/wp-content/uploads/2024/03/IMG_0686-1920x1440.jpg)
![](https://24ora.com/wp-content/uploads/2024/03/IMG_0705-1920x1440.jpg)
![](https://24ora.com/wp-content/uploads/2024/03/IMG_0701-1920x1440.jpg)