Ta siman pasa dialuna cu ladron a horta un Kia Rio den cura’i cas na Boegoeroei. Ta un situacion cu ta asotando nos isla ultimamente. Gran parti di e ladronicia di auto ta riba e autonan marca Kia modelo Rio. E biaha aki ta trata di un Rio color cora.
No a dura mucho cu a topa cu e auto bou di brug na Hato. E doño ta man na cabes buscando piesa pa su auto. A topa cu e auto sin switch y sin glas parti patras.
Ta un gasto innecesario cu ta pone hende den dje. Mientrastanto keto bay Minister di Husticia no a sali y anuncia su plan pa e situacion alarmante aki. Por lo menos Alvin Molina di MEP recientemente a indica cu te unda cu e sa, Tjon no tin ningun plan nobo pa cu e situacion aki.
![](https://24ora.com/wp-content/uploads/2024/02/CK8A0320.02_15_03_29.Still035.png)
![](https://24ora.com/wp-content/uploads/2024/02/CK8A0320.02_15_00_08.Still034.png)
![](https://24ora.com/wp-content/uploads/2024/02/CK8A0320.02_14_57_27.Still033.png)
![](https://24ora.com/wp-content/uploads/2024/02/CK8A0320.02_14_53_10.Still032.png)