Masha danki na tur instancia y persona cu a contribui y coopera! Diasabra dia 25 di november ultimo Fundacion Aruba One Happy Island Lions Club hunto cu Friends of Lions a organisa un otro exitoso proyecto “Tayo riba Mesa”, edicion nr. 3.
E proyecto aki ta den cuadro di e programa di Lions International “Hunger Relief”, cual ta un actividad di servicio cu cooperacion di Friends of Lions pa yuda un cantidad grandi di famia den necesidad.
![](https://24ora.com/wp-content/uploads/2023/12/TRM-III-04.jpeg)
Un total di 462 persona di famia di menos recurso a ricibi nan cuminda di merdia, danki na e cooperacion y contribucion di comerciantenan amigo, boluntarionan di Cruz Cora, boluntarionan di Fundacion Pa Nos Comunidad, amigonan Lions, y Miembronan Lions y Leo.
E proyecto aki a resulta exitoso danki na tur instancia y compania cu a coopera y aporta cu donacion, cu producto y tambe a cushina. Danki na tur otro cu a coopera y contribui pero ta desea di keda anonimo.
![](https://24ora.com/wp-content/uploads/2023/12/TRM-III-03.jpeg)
![](https://24ora.com/wp-content/uploads/2023/12/TRM-III-01.jpeg)
![](https://24ora.com/wp-content/uploads/2023/12/TRM-III-02.jpeg)
Nos organisacion hunto cu Friends of Lions lo continua organisa proyectonan pa yuda esunnan den necesidad. Proximamente lo anuncia e siguiente edicion di e proyecto Tayo riba Mesa. Si bo ta desea di contribui of coopera contact nos organisacion. Un biaha mas danki na un y tur!
![](https://24ora.com/wp-content/uploads/2023/12/TRM-III-05.jpeg)
![](https://24ora.com/wp-content/uploads/2023/12/TRM-III-06.jpeg)
![](https://24ora.com/wp-content/uploads/2023/12/TRM-III-07.jpeg)