Diasabra, 25 di november, Fundacion Centro Famia Piedra Plat a organisa e ultimo actividad p’e aña aki pa e grupo di 60 + di bario.
A scoge pa un thanksgiving brunch combina cu un charla tocante drumimento. E charla tabata na encargo di dokter Maikel Kelly. Dokter Kelly tabata dokter di cas den bario di Piedra Plat. Asina dokter a topa cu algun ex-pashent.
![](https://24ora.com/wp-content/uploads/2023/11/0-5.jpg)
E charla tabata dirigi riba e edad di esunnan presente. A splica e fasenan y duracion di soño y e uzo di remedi pa drumi. E cantidad di hende cu ta uza remedi a aumenta hopi e ultimo añanan aki na Aruba. Pa algun e ta un addicion caba. A comparti consheho con pa atende cu e problema aki.
![](https://24ora.com/wp-content/uploads/2023/11/0-6-edited.jpg)
![](https://24ora.com/wp-content/uploads/2023/11/0-12.jpg)
![](https://24ora.com/wp-content/uploads/2023/11/0-10.jpg)
![](https://24ora.com/wp-content/uploads/2023/11/0-4.jpg)
Despues a sigui un dushi brunch compaña cu musica di antaño, unda esunnan presente a continua gosa di e oportunidad pa intercambia cu otro.
Directiva di FCFPP y e comision encarga cu e encuentronan aki ta gradici cada uno cu a aporta. Danki na CEDE Aruba / Bario Unico y algun persona cu a duna nan aporte p’e grupo di 60 + di bario di Piedra Plat y vecindario.
![](https://24ora.com/wp-content/uploads/2023/11/0-9.jpg)
![](https://24ora.com/wp-content/uploads/2023/11/0-11.jpg)
![](https://24ora.com/wp-content/uploads/2023/11/0-15.jpg)
![](https://24ora.com/wp-content/uploads/2023/11/0-14.jpg)
![](https://24ora.com/wp-content/uploads/2023/11/0-8.jpg)
![](https://24ora.com/wp-content/uploads/2023/11/0-13.jpg)