Nos redaccion a keda notifica riba un scam di bitcoin tumando luga na Aruba via Instagram. Ta trata aki di un profile di Instagram _fiona_williams_ cu ta cuminsa na pidi bo $500, bo ta pag’e riba Paypal y despues e ta gaña cu bo lo haya algun Bitcoin despues di algun dia.
Varios hende recientemente a bira victima na Aruba di e trampa aki.
Esaki dus ta un advertencia pa comunidad ta alerto y no bay cay den e trampa aki cu lo por pone bo perde masha hopi placa mes.
Ora cu bo mira e localidad di e profile, ta bisa cu esaki ta di Nigeria, cual ta conoci pa haci varios tipo di internet-scamming, dus fraude via di internet of medionan social. Nos redaccion a haya informacion di hende cu ta conoce algun persona cu a cay pa e scam aki.
“Mi no por kere tin hende asina kens ta cay pa e cosnan aki,” nos contacto ta bisa nos.
No ta prome biaha cu e tipo di scam aki ta keda denuncia pa publico riba rednan social of den media, particularmente e mesun nomber aki Fiona_Williams cu ta keda bin dilanti riba Instagram.
![](https://24ora.com/wp-content/uploads/2023/10/Bitcoin-Scam-1-768x1440.jpeg)