Fundazion Alzheimer Aruba, den un comunicado di prensa, a trece varios punto dilanti cual t’e metanan cu nan tin pa loke ta trata conscientisacion riba abuso di adulto mayor.
Nan ta como lo siguiente:
* “Debolbe bos na nos adultonan mayor” (cu of sin discapacidad cognitivo).
* Motiva y concientisa e adulto mayor pa para pa su derechonan y exigi un bida cu dignidad y di calidad, sin “edadismo”.
* Empodera e adulto mayor y permiti cu e adulto mayor actua riba su mes y den su propio nomber.
* Habilita e adulto mayor pa eherce su derechonan y defende su propio interes.
Consciencia:
* Sigura cu e comunidad en general sa cu abuso di adulto mayor ta tuma luga y cu e echo aki ta un REALIDAD y un problema serio y inaceptabel;
* E adulto mayor mester ta consciente di e problema serio aki. Tambe e mester ta conciente di su derechonan, di uzo di servicio y recurso disponibel p’e.
* Prioridad clave ta preveni y para firme hunto cu e adulto mayor contra abuso y violencia contra dje y asina contribui na mehora su salud, bienestar y dignidad.
* Educa comunidad pa percibi e adulto mayor, na un manera mas faborabel, como contribuyente positivo na nos comunidad.
* Educa y capacita comunidad, incluyendo e profesionalnan involucra den cuido di e adulto mayor, pa reconoce y actua contra maltrato/abuso y/of sospecho di abuso di e adulto mayor.
Relacion intergeneracional:
* Esaki ta liga of gelink n’e sensibilisacion y educacion y pone enfasis riba e necesidad di fomenta un contacto mas cerca y positivo entre e generacionnan y fomenta relacion y actitud positivo bou di hubentud.
* Aislamento/exclusion, isolacion social y abandono di un adulto mayor mester stop! E paro aki por sosode, entre otro, a traves di relacion sano intergeneracional.