Aña pasa, N.V.ELMAR a haci un inventario di luz di caya cu ta bou di maneho di DOW hunto cu DOW mes. A instala un luz di caya na Bernhardstraat como prueba y mira e cambio di tipo di luz.
A informa cu awo e planificacion pa cambia tur e luznan di caya na Bernhardstraat y e vecindario a cuminsa. E planificacion ta entre departamentonan di ELMAR y tambe cu stakeholders pa asina tin nan apoyo pa cera caminda durante e trabou.
E trabou lo ta haci den fase, cuminsando na rotonde di Bernhardstraat te na kruispunt di Weg Seroe Preto y Kazernestraat. E ceramento di caminda ta pa siguridad di e comunidad como tambe pa asina e ekipo tecnico por haci e trabou hunto cu trucknan, den un forma mas sigur, considerando cu e caminda den e area aki ta smal.
Dentro di poco, lo haci anuncio di ceramento di caminda den e area menciona. N.V. ELMAR lo sigui informa e comunidad tocante e proyecto aki.
![](https://24ora.com/wp-content/uploads/2023/05/344936678_165092956221211_4805490755378024865_n-1440x1440.jpg)
![](https://24ora.com/wp-content/uploads/2023/05/344756958_584913790096795_7144105993473195888_n-1440x1440.jpg)