A pesar cu no a haya contesta ainda di Hulanda, Gobierno di Aruba, pa ta specifico, Minsiter Dangui Oduber a tuma e decision di stop cu e recorte di 5.5% den cuido medico.
Joel Rajnherc, Director di ImSan, a bisa cu e mandatario encarga cu Salud Publico tin hopi curashi pa a tuma e decision di stop cu e recorte di 5.5% entrante prome di mei. Esaki no ta algo cu lo cay den bon tera den Reino. E ta sigur cue mandatario lo mester bay haci hopi palabracion pa por haci esaki. Esaki ta demostra di unda e ta bin y unda e minister su curason ta.
Tabata tres aña pasa cu a cuminsa cu e recorte di 5.5% y niun hende tabata di acuerdo. Pero awo cu a kita e recorte, e ta sigur cu tur hende ta contento. No solamente esunnan cu ta duna e cuido, pasobra cu nan ta haya bek loke nan ta falta, pero tambe tur e pashentnan cu sa cu awo, por hisa e volumen y keda cu e mesun bon calidad di servicio cu nan ta brinda na e pueblo.
![](https://24ora.com/wp-content/uploads/2023/05/IMG_0650-1-1920x1280.jpg)
![](https://24ora.com/wp-content/uploads/2023/05/IMG_0644-1920x1280.jpg)
![](https://24ora.com/wp-content/uploads/2023/05/IMG_0642-1920x1280.jpg)
![](https://24ora.com/wp-content/uploads/2023/05/IMG_0643-1-1920x1280.jpg)