E veld di SV Arsenal ta den un estado deplorabel. Nan a acerca gobierno pidiendo yudansa den drecha e veld.
E team di futbol SV Arsenal ta funda di 26 di januari 1964, unda cu nan a cumpli 59 aña di existencia. Pedro Morillo, presidente di SV Arsenal, a indica cu otro aña nan ta celebra 60 aña di existencia. Den e cantidad aña di existencia dje club, nan a logra gana hopi trofeo. El a hay’e ta benta algun afo pasobra nan no tin mas luga pa pone. E organisacion ta consisti den e parti di homber rond di 30 persona, mientras esun di hende muhe ta rond di binti hungado.
Nan a yega na gobierno pidiendo yudansa pa nan veld cu ta den un estado deplorabel. Den luna di mei nan a haci esey, unda a manda un carta pa Minister di Deporte, Endy Croes. E mandatario a haya e carta den su man. Dia 20 tambe el a haya un carta, pero e no a reacciona riba esaki te dia di awe.
![](https://24ora.com/wp-content/uploads/2023/04/6B3A3901-1920x1280.jpg)
![](https://24ora.com/wp-content/uploads/2023/04/6B3A3924-1920x1280.jpg)
![](https://24ora.com/wp-content/uploads/2023/04/6B3A3925-1920x1280.jpg)
![](https://24ora.com/wp-content/uploads/2023/04/6B3A3902-1920x1280.jpg)
![](https://24ora.com/wp-content/uploads/2023/04/6B3A3886-1920x1280.jpg)
Motibo pakico e mandatario no a reacciona riba e carta, Morillo no por a duna un contesta. Pero ta haya cu na momento cu el a haya un carta, e mester a djis yama y bisa di a ricibi esaki, indica cu lo yuda nan cu Fundacion Lotto pa Deporte of cua instancia por yuda nan di cual e ta dispuesto pa acepta.
Rond di 24 hende homber ta practicando riba e veld, mientras e team femenino no. Nan ta train den un pida di e veld cu no tin yerba. Nan no por train mas leu, pa motibo cu e veld ta den mal estado.
Material ricibi di AVB
Nan a ricibi material manera bala for di Arubaanse Voetbal Bond (AVB). Nan a ricibi ocho bala ultimo, tin biaha binti. Pero tur esaki ta depende e cantidad cu nan ta parti p’e clubnan.
![](https://24ora.com/wp-content/uploads/2023/04/6B3A3921-1920x1280.jpg)
![](https://24ora.com/wp-content/uploads/2023/04/6B3A3894-1920x1280.jpg)
Pa mas lesa TREMPAN.COM.