Dia 25 di september 2022 a tuma luga e competencia di landamento di Open Water organisa pa Aruba Dolphins. E competencia aki tabata uno organisa pa hopi aña caba pa Aruba Dolphins. Durante Covid mescos cu tur otro deporte esaki a keda afecta y mester a organis’e cu hopi restriccion.
Sinembargo e aña aki esaki tabata organisa den su forma original. Desde mainta tempran por a mira varios atleta ta registra banda di cas di e legendario Roly Bisslik. E competencia tabata consisti di 3 distancia total esta: 1, 3 y 5km y cada distancia tabatin su categoria di edad. Mester remarca cu e aña aki tabatin un stroom masha fuerte mes riba e fecha di e Open Water cu a haci esaki sumamente dificil pa e atletanan competi specialmente esunnan di mas hoben, pero e atletanan a sa di surpasa esaki pa asina caba nan evento.
Aruba Dolphins ta hopi satisfecho cu resultado di su atletanan. E resultado ta como lo siguiente:
Den categoria di 1 km Kailen Wouters, Josslyn Velazquez, Enzo Croes y Jayla Stuut a logra un total di 4 medaya di oro, A’Drian Vrolijk y Jaythan Winterdal a logra un total 2 medaya di plata y A’Dreon Vrolijk y Ethan Cuna a logra un total di 2 medaya di brons.
Den categoria di 3 km Jayrick Winterdal, Arvid Farro, Celine Robinson, Rebecca Maduro, Carondina Leijdekkers, Augustin Oleana y Emily van Grinsven a logra un total di 7 medaya di oro, Kailani Schwengle, Noalynn Stuut, Paolo Irausquin, Charlene Leslie, Andre Zandaam, Andreina van Romondt y Tack Chan a logra un total di 7 medaya di plata y Aliyah Estrada, Maria Koolman, Danielle Koole, Franson Figaroa a logra 4 medaya di brons.
![](https://24ora.com/wp-content/uploads/2022/09/4c3f5d25-86bd-4514-9c14-58aacdeebc17.jpg)
![](https://24ora.com/wp-content/uploads/2022/09/07adaf59-97d3-44cd-a87c-a50b9ab9dbba.jpg)
![](https://24ora.com/wp-content/uploads/2022/09/0575bfbb-c1a1-4d71-ac9c-e6cc6b1ab98c-1080x1440.jpg)
![](https://24ora.com/wp-content/uploads/2022/09/907c501d-e90c-4f27-836e-695c6c13965d.jpg)
![](https://24ora.com/wp-content/uploads/2022/09/06027d9c-6d54-4c60-8242-eadc35933d37.jpg)
![](https://24ora.com/wp-content/uploads/2022/09/ccc7266f-b73f-4ba9-8ac2-e25a2454538d.jpg)
![](https://24ora.com/wp-content/uploads/2022/09/f719ff7c-50ba-460c-a48a-00fa25cd5eb9.jpg)
![](https://24ora.com/wp-content/uploads/2022/09/d1f62e8e-9a45-452e-9129-3c0e345b5623.jpg)
Den categoria di 5km Bobby Gibson, Armando Goedgedrag y Deaxo Croes a logra un total di 3 medaya di oro y Tristan Danje y Joshua Geerman a logra 2 medaya di plata.
Ademas Arvid Farro y Bobby Gibson a bay cu trofeo di Overall Winners di categoria 3 y 5km.
Aruba Dolphins kier felicita tur atleta y tambe e comision di boluntario cu a duna di nan banda pa pusha tur atleta pa train hunto como e gran famia di Aruba Dolphins.