“Awe mi a ricibi un recorido y haña tambe un presentacion di Bucuti & Tara Beach Resorts. E Owner/Managing Director Mr. Ewald Biemans, hunto cu e PR Manager Crescenzia Biemans, tawata tin e placer di duna un breve splicacion di con e hotel a draai durante e pandemia y con nan ta bayendo awor”, asina Minister Dangui Oduber, encarga cu maneho di turismo di nos pais, a indica.
Tambe a delibera over di nan compromiso cu nos medio ambiente por medio di nan hotel, cu ta esun di mas sostenibel aworaki na Aruba.
“Remarcabel ta cu nan a proyecta cu e aña aki lo recupera 97% den comparacion cu aña 2019. Esaki ta algo di admira y cu nan ta sumamente orguyoso di dje”, asina e mandatario a termina bisando.
![](https://24ora.com/wp-content/uploads/2022/07/WhatsApp-Image-2022-07-11-at-2.49.16-PM-1.jpeg)
![](https://24ora.com/wp-content/uploads/2022/07/WhatsApp-Image-2022-07-11-at-2.49.16-PM.jpeg)
![](https://24ora.com/wp-content/uploads/2022/07/WhatsApp-Image-2022-07-11-at-2.49.17-PM.jpeg)