Diahuebs a tuma luga e cambio di nomber di Emmaschool pa Scol Soeur Juliette, prome cu clausura di aña escolar.
Tabata dia 8 di januari 2021 cu Conseho di Minister dia 8 di januari 2021 a tuma e decision pa cambia e nomber di Emmaschool pa Scol Soeur Juliette, riba iniciativa di ex-Minister di Enseñansa, drs. Rudy Lampe. Joselyne Oduber-Jacobs, cabesante di Scol Soeur Juliette, ta amplia.
Oduber-Jacobs a cuminsa na bisa cu a scoge pa e proceso di cambio di nomber tuma un tiki tempo, for di ora cu a cambia e nomber bou mandato di ex-Minister Lampe. Actualmente, na honor di Soeur Juliette, team di Emmaschool y team Scol Scucha Nos, prome cu clausura di aña escolar, a dicidi di haci e cambio di nomber pa e scol asigna na dje.
![](https://24ora.com/wp-content/uploads/2022/06/1Q1A5178-scaled.jpg)
![](https://24ora.com/wp-content/uploads/2022/06/1Q1A5135-scaled.jpg)
![](https://24ora.com/wp-content/uploads/2022/06/1Q1A5188-scaled.jpg)
![](https://24ora.com/wp-content/uploads/2022/06/1Q1A5186-scaled.jpg)
FUSERING CU SCOL PASO PA FUTURO
Pa loke ta e parti di fusering, durante ultimo dos añanan di scol, tabata tin diferente plan cu a bin riba mesa, unda cu a accentua e scarsedad logistica di e edificionan pa cu e scolnan regular. E idea tabata pa un posibilidad pa trece e dos scolnan publico pa Moeilijk Lerende Kinderen (MLK), pa trece nan hunto pa coopera pa un otro scol haya e edificio di Scol Paso pa Futuro.
Pero esaki no a sigui, ya cu e no tabata tin draagvlak. A crea dos scol MLK basico pa accentua e parti di contenido di enseñansa di calidad pa enseñansa special basico pa MLK, unda cu e vision y mision ta pa accentua, no na e parti di limitacion, pero na e parti di capacidad, unda ta sigui ofrece enseñansa na nivel di calidad pero di grupo.
![](https://24ora.com/wp-content/uploads/2022/06/1Q1A5192-scaled.jpg)
![](https://24ora.com/wp-content/uploads/2022/06/1Q1A5195-scaled.jpg)
![](https://24ora.com/wp-content/uploads/2022/06/IMG_8128-scaled.jpg)
![](https://24ora.com/wp-content/uploads/2022/06/IMG_8120-scaled.jpg)
![](https://24ora.com/wp-content/uploads/2022/06/IMG_8108-scaled.jpg)
![](https://24ora.com/wp-content/uploads/2022/06/IMG_8107-scaled.jpg)
![](https://24ora.com/wp-content/uploads/2022/06/IMG_8119-scaled.jpg)
![](https://24ora.com/wp-content/uploads/2022/06/IMG_8111-scaled.jpg)
Pa un relato mas amplio, lesa TREMPAN.