Na prome instante a bati alarma pa sospecho di persona indocumenta drentando via costa. Mesora polis a presenta y capta un hende ta landa den e area. Na momento cu el a yega canto por a conclui cu tabata trata di un persona local disfrutando di e awa.
Esaki a tuma luga den careda di 1:00 pm na e beach di Surfside parti mas pazuid. Sinenbargo algo otro a capta atencion di e polisnan presente. A tuma nota di un obheto ta drif den cercania, cu tabata mustra muy probablemente di ta un speargun.
![](https://24ora.com/wp-content/uploads/2022/04/20220408144047_IMG_5650-1920x1280.jpg)
![](https://24ora.com/wp-content/uploads/2022/04/20220408144138_IMG_5654-1920x1280.jpg)
![](https://24ora.com/wp-content/uploads/2022/04/20220408133642_IMG_5547-1920x1280.jpg)
A tuma contacto cu wardacosta, cu a presenta y indica cu en berdad tabata trata di un speargun pa su cuenta den awa. Un personal femenino a bula mesora den awa y asina confisca e speargun aki.
Tin di recorda cu uzo di speargun ta ilegal y ta algo cu tin control estricto riba su practica. Mientrastanto no a localisa ningun hende cu a indica di ta propietario di e instrumentonan di pesca aki.