Recientemente por a tuma nota di varios acontecimento cu tin andando rond di e pandemia di COVID-19. Pues ta asina cu varios parti rond di mundo ya ta eliminando un gran parti di e medidanan of ta eliminando esakinan den nan totalidad. Ayera a bin tuma nota cu Aruba tambe ta bayendo den e mesun direccion, cu e asina yama ‘exit strategy’, mirando cu e casonan di COVID-19 ta keda baha y no tin mucho hospitalisacion tampoco. Den tur esaki mas cu claro ta premira tambe un recuperacion economico, specialmente den e area di turismo.
Sinembargo, Junior Rivas, trahado di mercadeo y promocion pa tour turistico a organisa un conferencia di prensa awe mainta pa asina e trece su preocupacionnan dilanti. El a cuminsa ta splica cu ya e tin 24 aña ta traha den e sector aki y cu e tabatin expectativa cu CDC lo a elimina Aruba for di e lista di ‘code red’, lamentablemente esaki no a bira e caso ainda. El a cualifica esaki como un situacion complica y fastioso ya cu esaki ta perhudica e fluho di turismo y consecuentemente, esaki ta perhudica e trabou di esunnan cu ta labora den e sector aki.
Asina Rivas ta cuestiona con nan ta scucha tur dia di e propio turistanan cu nan ta sinti nan mes mas sigur akinan cu na nan propio pais y toch CDC ta recomenda e ciudadanonan Mericano pa no biaha pa Aruba.
Pa un relato mas amplio lesa edicion di TREMPAN.