Hopi hende ta cay repeditamente den tentacion cu transferencia di placa. Na final e transferencianan aki ta hinca hende den problema. Algo similar cu a sosode cu un HR di airport a ripiti den otro caso caminda e dama fam Cannegieter a bira sospechoso.
Esaki ta full un otro caso. Un caso nobo. E ta algo unda bo ta haya un suma riba bo cuenta personal y ta cumpra material cu tin un code. Asina bo ta manda e recibo pa e hendenan cu a manda e placa y nan ta bende e producto cu abo a cumpra cu nan placa. Na final ta resulta cu e placa cu nan a manda pa bo ta placa cu nan a horta for di cuenta di otro hende.
![](https://24ora.com/wp-content/uploads/2022/02/det-sani1-1920x1280.jpg)
Ora investigacion cuminsa ta yega na esnan cu ta coopera sea conciente of incociente cu e crimennan aki. Recherche cu a haya e denuncia ta haci e investigacion y ta yega na e sospechoso local cu a presta su mes pa yuda e criminalnan cibernetico. E sospechoso femenino a keda cera den cel na warda di Polis na San Nicolas. No ta conoci cuanto placa tin envolvi. Hende mester pone atencion riba e actuacionnan aki pa asina mañan no haci fabor pa hendenan straño y despues perde bo libertad.
![](https://24ora.com/wp-content/uploads/2022/02/IMG_7213-1-1920x1280.jpg)
![](https://24ora.com/wp-content/uploads/2022/02/IMG_7211-1-1920x1280.jpg)