Tabata alrededor di 6:00 pm ora cu a sosode un accidente dilanti di Marriott na Palm Beach. Aki ta caminda cu un auto a alcansa un ciclista y bandona sitio. No a dura mucho cu a topa cu e auto cu a hit and run.
Ta mas of menos dos ora depues, alrededor di 8:00 pm ora cu a capta e auto cu a alcansa e ciclista den camara di siguridad. A resulta cu e auto a bay para den parkeerplaats di Marriott Surfclub den garage.
Ta trata di un auto marca Hyundai modelo Accent color blanco numera V-3691. E auto tabatin basta sla fresco parti dilanti di e auto, na e bumper, hood y windshield. E t’esun cu a alcansa e ciclista un rato prome. Polis di trafico a presenta p’asina documenta e situacion aki.