Diamars, pa mas of menos 1:30 am, un chauffeur bou di influencia di alcohol a bay dal cu su auto riba dos vehiculo cu tabata staciona dilanti un adres na Zeewijk. Riba dje el a purba di huy, pero habitantenan cu a sali bin wak kico a pasa, a want’e te ora cu polis a yega n’e sitio.
Na momento cu nan a controla e persona aki, a bin resulta cu e tabata bao di influencia di alcohol. A detene e chauffeur aki y a hib’e ward’i San Nicolas, unda cu e mester a duna cuenta na fiscal auxiliar.
Daño causa n’e autonan staciona ta basta grandi.