Gobierno tin e situacion di COVID bou di control, pero ainda no ta for di peliger. E cantidad di vacunacion no ta bayendo mes lihe cu comienso y p’esey ta buscando otro manera pa yega na esunnan cu falta.
Minister presidente, mr. Evelyn Wever-Croes, a informa cu nan tin e situacion miho controla. Te cu ayera tabatin 88 caso activo y esaki a baha considerabel. E cifra aki nan ta sinti bastante confortabel cu ne. Ta weita cu cada dia ta bin mas caso nobo, pero ta mira tambe cu hende ta recuperando.
Den e ultimo dianan a nota e tendencia cu e cantidad di persona admiti na hospital ta aumentando. Di un banda esey ta bon señal, pasobra poco tempo pasa por a mira cu hende tabata tarda pa yega hospital pa haya asistencia. E cantidad di persona vacuna p’e prome dosis ta na 57 mil y pico. Esey ta pone cu Aruba ta na 58% y e no ta bay mes lihe manera na principio. Mas importante ta cu 67% di e poblacion riba 60 aña a haya e prome dosis di vacuna, cual ta e grupo cu kier proteha mas.
![](https://24ora.com/wp-content/uploads/2021/05/Untitled-design-27.png)
Pa mas informacion lesa e corant digital Trempan.
![](https://24ora.com/wp-content/uploads/2021/05/Untitled-design-26.png)