![Marineschepen naar rampgebied Bahama's](https://24ora.com/wp-content/uploads/2019/10/droga-696x196.jpg)
Marechaussee den e waf di Den Helder a rista e barco di Marina Hulandes Zr. Ms. Johan de Witt pa droga. E barco a bolbe Hulanda diahuebs despues di tabata den Caribe.
Luna pasa abordo di e barco aki a detene un militar cu droga. E tabatin mas o menos 11 kilo den su rugtas, probablemente cocaina. Pa esaki e ta deteni ainda.
Mas droga abordo
Segun un vocero di Marechaussee, no por descarta u abordo di Johan de Witt por tin mas droga. Pa e motibo ey a rista e barco, den tur skina, cual no ta algo comun pero tampoco ta prome biaha cu e ta sosode.
Den e investigacion abordo di e barco, Marechaussee a haya ayudo di Duana, cu a haci uzo di persona specialisa y cachonan anti-droga. A uza rond di cincuenta persona y e operacion a dura henter dia. A rista caba e tres helicopternan abordo diahuebs, como tambe e personal di barco. Y no a haya nada. Attachments area