Corsou no mag di deporta un grupo di 32 Venezolano (te asina leu).
Corte Europeo pa Derechonan Humano na Straatsburg a prohibi e deportacion, segun un vocero a bisa koninkrijksrelaties.nu. E 32 Venezolanonan, despues cu nan a yega Corsou den un boto, a wordo encarcela den e baraknan di stranhero den e prizon Bon Futuro (SDKK), en espera di nan deportacion.
Pa evita esaki, nan a manda un carta di obhecion na Corte Europeo pa Derechonan Humano. Debi na e urgencia di e situacion, esaki a impone di inmediato un medida provisional pa cual e Venezolanonan no por wordo deporta te despues di e tratamento di nan obhecion.
Partidonan tin oportunidad pa suministra informacion te cu dia 23 di Mei, despues cual Corte lo considera pa atende e caso a fondo. Remarcabel ta cu e decision di Corte ta adresa na “the Government of the Netherlands.”