E parada di Colegio Laura Wernet Paskel a cuminsa na tempo. Esey ta loke cu Juffrouw Bernadeta “Eta” Figaroa-Geerman a splica.
E ta gradici tur e scolnan cu a participa, cu ta engrandece e parada. Tabata tin dos Peuterschool, Doopy Doopy Peuterschool, Curason Contento, tambe Colegio Laura Wernet Paskel mes, scol di bario, esta Maria School, Colegio San Hose y De Schakel.
![](https://24ora.com/wp-content/uploads/2019/02/053AE457-59CA-47EE-ACCE-46DDFF26C08F-1024x750.jpeg)
Pa loke ta preparacion tabata bastante. Prome tin cu diseña un paña cu tur mucha por paga, cu no ta hopi costoso. Pero toch e ta carnavalesco y colorido.
Tambe tin maestra Amy Janssen-Herde, kende a diseña e disfras di e scol. E aña aki tabata uno special, mirando cu ta 40 aña cu tin e parada aki.
![](https://24ora.com/wp-content/uploads/2019/02/30858387-C0A0-4747-9F08-F62161BCB265-1024x821.jpeg)
Tur mucha y docente a gose y a sinti en realidad cu ta un parada di lustro. E scol tin un pensamento cu tur mucha cu kier participa, mester por participa. Tin mucha, nan scol mes ta yuda si e mayor no por, e maestronan mes ta yuda traha disfras pa e muchanan den nan oranan liber, pa mucha cu kier participa, por participa.
Segun Juffrouw Eta, cosnan cu e gusta, ta cu e muchanan ta balia cu smaak. Esey ta mas principal p’e, cu e muchanan mester gosa e parada.
![](https://24ora.com/wp-content/uploads/2019/02/C29CCF19-AB34-4450-80A1-F3F81022DB89-1024x683.jpeg)
Ta gradici tur mayor cu a coopera, e muchanan cu a balia y a comporta nan mes hopi bon, tur e scolnan cu a participa, e scolnan bishitante.
Colegio Laura Wernet-Paskel ta gradici cu nan a engrandece e parada. Y tambe e sponsornan, cu a sa di contribui na e parada grandioso aki.