Entre 10’or di mainta y 12’or di merdia, varios organisacion y tambe Venezolanonan residencia na Aruba, a reuni riba Plaza Simon Bolivar net dilanti di Plaza Betico Croes, pa asina recolecta varios articulo di prome necesidad pa por manda pa Venezuela, pa esnan cu tin mas mester.
![](https://24ora.com/wp-content/uploads/2019/02/022319venezuela-6-1024x576.jpeg)
Pero esaki no a keda te aki. Despues di esey, nan a mobilisa Paseo Herencia, caminda cu nan lo keda te cu 8’or di anochi, recolectando articulonan pa asina nan por manda pa e pais aki.
E accion aki lo sigui durante tur e dianan aki te ora cu nan logra manda nan pa Venezuela, mirando cu tin un blocada.
![](https://24ora.com/wp-content/uploads/2019/02/022319venezuela-8-1024x576.jpeg)
Cu esaki, nan por pone mas presion tur dia, pa asina e ayudo humanitario aki por drenta Venezuela. Aruba no por keda afo den e apoyo y den e ayudo humanitario aki.
Un y tur ta keda cordialmente invita pa asina bin y duna bo granito de arena. Keda pendiente pa mas informacion riba e puntonan strategico cu nan lo tey, pa asina nan recolecta productonan pa e pueblo Venezolano.