Un grupo hopi grandi a bin sostene nan banda y artista faborito na Centro di Bario Brazil diaranson anochi. A yega na un total di 28 banda.
A conta cu un total di 111 participante, cual por bisa orguyosamente cu ta conta cu 20 dama y 91 cabayero. Tin e representacion eynan hunto, ta forma 111 participante.
Segun Edwina Henriquez di Stichting Musica, tin un total di 140 composicion cu a inscribi nan mes na nan Helpdesk, di cual ta 44 caiso y tin 96 soca.
Tambe segun Henriquez, cu pa bay prefinal, lo bay tin 12 caiso y 27 soca. Orguyosamente Henriquez a bisa cu Stichting Musica ta anuncia cu nan lo bay 4 anochi di prefinal y un super saturday.
E no ta dificil organis’e segun Henriquez. Cu bendicion di tur e musiconan, Stichting Music ta anuncia cu simplemente despues di a promociona incansablemente tres anochi di prefinal y un di final, awo ta bisa cu como regalo ta duna cuater anochi di prefinal y 1 supersaturday, cual ta cinco anochi, pa e mesun prijs.
Stichting Musica a wanta e anuncio, pasobra a sinti e vibe. A premira y mester a wanta nan un rato. Manera cu ricibi e extra dia for di imprenta, Musica ta cla pa subi caya y lo entrega e carchinan na e Citgo Outletnan cu ta na Palm Beach, Santa Cruz, Boulevard, Essoville, Ponton.
A pone e bandanan den grupo, a haci’e hopi husto. Ta un sistema un tiki cambia cu antes, unda e banda ta bay scoge, pero no a dicidi cua anochi nan lo bay toca. A laga nan mes scoge cua anochi nan suerte a duna nan pa nan subi escenario. Despues a duna nan e di dos oportunidad pa asina scoge den cua secuencia nan ta bay subi escenario.
Henriquez a splica cu e tabata overloaded di excitement. E ta gracidi tur band, tur artista, cu a traha duro pa yega na e helpdesk di Stichting Musica y asina brinda un total di 140 composicion. Esaki sigur ta un record marca. Ta un record cu no mag di lubida y esaki ta un record cu por pidi e pueblo di Aruba bin hunto na Carnival Village, Aruba Caiso & Soca Monarch, riba dianan 4, 5, 6, 7 y e supersaturday di dia 9 di Februari. E lo ta na encargo di Elite Entertainment. Ya caba e stage ta wordo construi. Ta trata aki di e stage di mas grandi cu nos a conoce. Hunto cun’e lo bay bin efectonan di luz. Por conta tambe cu lo bay tin riba e anochi aki DJnan invita cu ta bay yena e momentonan cu tin un break of algo asina pa tin musica.
Ta un bachanal area e lo bay converti su mes. Musica no ta para.
Ban duna e balor grandi na e participantenan, nos artistanan. Pasobra ta un combinacion total e ta. For di e tecnico, for di e band leader, for di e musico, for di e artista mes, for di nan bailarina, for di e elenconan cu ta traha den e bar, den cushina, medionan di prensa, Henriquez no tin palabra pa gradici.
Solamente e por habri su brasa y curason, y bisa danki, pasobra ta un anochi grandi y cu a marca historia.
Esaki ta e secuencia pa pre-final:
Prome anochi 4 Februari
1. N’Fuzion
2. Le Groove
3. 3 for all in power
4. Zeta Band
5. Buleria
6. Ambience
7. Sound ‘n More
Di dos anochi 5 Februari
1. Perfect Sound
2. Madness
3. Failures
4. Xtatic
5. DLS
6. Tsunami
7. Mellow
Di tres anochi 6 Februari
1. BMW
2. Back on Track
3.
4. Musical Time
5. Hot Ones
6. YX3M
7. NBO
Di cuater anochi 7 Februari
1. The Creators
2. OREO
3. Steam
4. Furyah
5. Aiwalos
6. Upgrade
7. Robert y su Solo Banda Show