For di diahuebs Meteo Aruba a anuncia cu tin un disturbio den e area bayendo west den un di e nivelnan mas abao den atmosfera y cu lo bay yena nos area cu humedad durante e proximo dianan.
Pa diasabra Meteo a aumenta e disturbio cu lamper y strena cu tabata e posibilidadnan y esey a culmina diadomingo cu e awasero. E tipo di disturbionan aki ta normal pa e periodo aki cu ta e overgangsfase di zomer bay winter. Nos lo bay haya algun di e tipo di disturbionan aki, mas tanto prome cu aña caba.
Loke a cay a midi 15.7 milimeter. Lastimamente e stacion cu tin na Hadicurari no por a haya loke el a midi. Esey a wordo midi na Meteo mes. Tin mas caminda cu mas awa a cay, pasobra localmente ta cay mas awa un caminda cu otro.
No ta un sorpresa
Pa Meteo y su anuncionan e no tabata un sorpresa. Pa esnan cu ta sigui pronostico di tempo constantemente, ademas e tempo a wordo getweet mas cu un ora prome cu el a sosode y no tabata tin nada nada riba Aruba e momento ey. El a wordo getweet cu lo tabata tin posibilidad di awasero den e proximo oranan, plus lamper y strena, segun Barkmeyer.
Diferencia den presion den Caribe
Aruba a lanta sin biento tambe. Esaki ta door di e efectonan di e disturbio aki mes cu ta kibra e gradiant di e diferencianan di presion den e area di Caribe. Consecuentemente e biento ta bira swak, cual loke nos ta experenciando awor aki. Poco poco biento lo aumenta pa e siman aki si. David Barkmeyer di Meteo a splica cu nos a haya algo ainda y tambe mañan, pero gradualmente lo bay bira menos, mientras cu e disturbio lo aleha di nos area y e biento cu lo pick up.
Cambio di temporada
Nos no tin cambio si seizoen, pero nos ta den e hemisferio norte, di cual ta keda mas zuid. Kico ta pasa den continente Mericano y Sur America, ta haya hopi front ta kibra den mas sistema di presion abao. Eseynan ta duna nos tipo di tempo cual nos a haya. Tin cu agrega cu e tempo cu a haya, a acerca nos for di zuid, for di Peninsula di Paraguana, un pida a subi nos. Ta net un cel mester tin pa para basha awa, cu ta causa tipo di cosnan asina, segun David Barkmeyer. E tempo aki no a bin den su totalidad. Si el a bin full, e ora e lo a haci un daño mayor, pero ta un cel a bin, a para riba nos y a regen uit.
