Laptop a bira parti di trabao di un hende y hopi hende ta biaha cun’e. Tin ora hende ta bin cu cos nobo y no kier paga invoerrechten. Segun Croes, e 400 florin ta data for di mas di 20 aña pasa. El a wordo duna door di Gobierno.
E tabata asina cu tabata tin dos liter di alcohol y dos slof di sigaria como vrijstelling. Pero ora cu Gobierno a bisa cu ta bay duna e biaheronan algo pa bin cun’e tambe, e ora nan a stipula un suma di 400 florin cu bo por bin cun’e na producto, sin paga Invoerrechten y a baha e liter di alcohol na 1 y e slof na 1 slof di sigaria. E ora pa balansa, bo ta haya un vrijstelling riba 400 florin, plus e sigaria y e alcohol. Locual tin cu bisa ta cu e temponan aya prome cu esaki a wordo introduci, tur hende mester a paga. Hasta riba peluche cu hendenan tabata gana na Orlando, Douane tabata pone nan paga, ora cu Douane tabata traha segun ley. Di otro banda ta haya cu si nan por pasa, pero awor aki cu e 400 florin tey, kisas e por ta abao, segun e hendenan ta pensa, pero di un otro banda, si haci un compra online, semper bo ta paga invoerrechten. Tegenover di esnan cu ta biba aki y tegenover di esnan cu ta bestel online, e ta poco inhusto. Pero pa kom tegemoet na e biaheronan cu ta bin cu algo nobo, pasobra tur hende cu bay afo, lo cumpra algo nobo.
Esey ta normal, pasobra e ta existi ya di 20 aña pasa caba. Control Locual ta e factura ta keda den man di e biahero mes. Ora cu nan bin, den e caso di kisas un celular, aunke hopi hende ta cana rond cu celular, pero ora bin cun’e, si e ta algo nobo nobo, cu e no ta mustra uza, abo lo por bisa Douane cu tin algun yamada den dje cu a haci prome cu a biaha y nan ta prueba e ora cu si nan a cumpr’e na Aruba. Si nan por prueba cu e ta cumpra na Aruba, e ora Douane no tin problema cun’e. Esey ta conta pa tur otro aparato tambe. Tur aparato cu ta nobo of cu a bay cun’e practicamente nobo y cu por trece duda na Douane, lo mester por trece un prueba cu e ta cumpra na Aruba prome cu a biaha. Pa paña ta poco mas dificil, pero si cumpra paña, bo tin un vrijstelling te na 400 florin, e ora Douane ta wak kico ta e pañanan cu a wordo cumpra. Si e pañanan ta bisti, bo no por bisa cu e ta nobo. Suficiente personal Croes a splica cu esey ta un di e motibonan pakico e ta wordo bisa den vakantie, pa asina hende ta mas conciente cu ora nan bin bek, nan tin cu cumpli cu nan deber, cumpli cu ley, e ora e Douane su trabao ta bira mas facil tambe. Aparato di scan Tin dos aparato di scan nobo awor aki.
