Zr.Ms. Groningen ayera 27 di mei, aproximadamente pa 8:30 di mainta a haci un bishita cortico den haf na Aruba. Segun tradicion, e tripulacion a ricibi un ceremonia militar di bonbini. E barco ta presente den nos region desde april, pero te awo a haci Aruba un bishita.
Den region Caribe e tripulacion ta enfoca nan mes riba, entre otro, operacionnan contra traficacion di droga. Forsanan Arma, cu esaki, ta duna realse na cumplimento di su debernan constitucional manera promocion y mantencion di orden publico internacional y stabilidad.
E operacionnan ta tuma luga cu cooperacion di partnernan strategico manera Wardacosta Region Caribe y ‘Joint Interagency Task Force South (JIATF) Mericano.
Marina Real tin cuater barco patruyero di e clase “Holland”. E (OPV) barconan patruyero pa ocean, ta barconan cu por desplega di firma flexibel pa cuido di awanan di Costa.
Hunto cu esaki, entre otro, nan por keda desplega pa cumpli cu mantencion di ley den operacionnan contra traficacion di droga, tareanan humanitario; entre otro, dunando yudansa den emergencia.
E aña aki Defensa ya a confisca 4000 kilo di droga.
