Fuentenan serca di e proyecto nobo aki den fin di siman a confirma cu e rumornan ta berdad cu Aruba lo conoce su di dos Zipline.
Esaki lo ta ubica na e monumental California Lighthouse cual a wordo traha na 1916. Ta trata aki un Double Zipline tipo RDX-2 cu lo ta instala na e top di e Faro. E largura lo ta di mas di 30 m cu un inclinacion cu lo percura pa un decenso hopi liher.
E nomber di e proyecto ta ‘Family Flyer Zipline’ cual su instalacion ta den man di un compania cu hopi experiencia na Merca. Ja caba e compania tabata na Aruba den luna di February y a hasi tur e midinan necesario y tambe e adaptacionan cu lo mester bin na e faro. Riba e pregunta di pa ki tempo esaki lo ta den funcion, nos por compronde cu e trabounan lo tin un duracion di 4 luna, pues lo ta complete pa temporada di vakantie di July 2019.
Family Flyer Zipline tin varios zipline rond mundo, pero Aruba lo ta e promer den e area Caribense. Pa keda altanto di e desaroyonan di e proyecto aki y tambe pa gana e prome 10 ‘zipline rides’ follow California Lighthouse tanto riba Facebook (LINK AKi) y tambe riba Instagram ( LINK AKI )
