Den oranan di marduga Diadomingo e Team di Aresto a yega na un cas na Kudawecha y haci detencion di e homber Zion Fingal di 17 aña. E no ta bay scol mas. E tabata na cas di su pareha. E ta registra na otro adres pero eynan autoridad no a topa cune. A tope na Kudawecha.

E team di recherche di Noord ta haciendo investigacion riba dje relaciona cu e tiramento cu a tuma lugar na Semeleerstraat. Tur cos ta draai rond di problema cu midimento di forsa y ken ta mas duro. E victima a haya dos tiro. Uno den cachete y e otro den pia y bala a core pega den su tripa.

E situacion di e victima ta stabiel. Dokternan a opera e victima y asina scapa su bida. Ainda e dos balanan ta den su curpa. Logicamente e investigacion a cana su caminda y a yega na e sospechoso. E sospechoso Zion Fingal a los tiro sin sconde su cara.

Kiermen el a demostra sin miedo y concientemente. Logicamente mesora tabata sa ken a comete e acto. Cu 17 aña den man di husticia. Un hoben cu no ta bay scol. Loke autoridad no a topa cune tabata e arma di candela cu el a usa. Den e proceso di investigacion e speransa ta cu nan lo por yega na e arma.

Comments

comments