Den fin di siman Záhyon Klabér y Joshua Klabér a participa den e Nederlandsche Kampioenschappen na Den Haag, Hulanda bou guia di ex campeon Mundial, coach Olimpico y Hall of Famer Master Henk Meijer y psycholoog Henriët van der Molen.
Záhyon Klabér a recore Europa for di aña pasa December entrenando na Madrid y Dinamarca y a bay bon prepara pa defende su titulo. Záhyon Klabér den prome rond a topa cu Cancer Sucuoglu for di Almelo y a gana esaki cu un score di 23-4.
Den e di dos rond Záhyon Klabér a topa su contrincante di aña pasa cu el a gana den final Ted Brilhuis cu a bin basta fuerte pa Zàhyon Klabér ganando e prome dos rondnan. Den e tercer rond Záhyon Klabér su pianan a los y e atakenan a cuminsa cay uno tras di otro, dunando Ted Brilhuis hopi dolor di cabes cu e atakenan ricibi y e no por a absorbe esaki. Záhyon Klabér a gana e pelea cu un score di 25-21. Ted Brilhuis a keda masha desapunta cu su perdida y a zak den otro riba e veld cu lagrimanan den wowo cu su perdida.
Den final Záhyon Klabér a topa cu Sohail Mamadany for di Rotterdam y Záhyon Klabér a gana esaki cu un score di 11-0. E victoria di Záhyon Klabér a haci un impacto grandi na Hulanda. Záhyon Klabér a titula campeon na Hulanda pa di dos aña consecutivo.
Joshua Klabér a bringa pa prome biaha den Junioren habriendo aña 2020 cu un reto grandi su dilanti. Joshua Klabér a haña un bye y a topa cu Oubad Chabari for di Den Haag. Joshua Klabér a trata hopi pero a keda mucho cortico den su intentonan pa score mas punto contra di Oubad Chabari cu a studia Joshua Klabér bon for di e prome rond. Joshua Klabér a wordo derota cu un score di 17-10 y mester a keda satisfecho cu brons.
Henk Meijer y Henriët van der Molen ta preparando pa e siguiente eventonan. Záhyon Klabér ta bay biaha pa Hulanda bek pa sigui cu su preparacionnan. Open Dutch ta un otro campeonato di prueba pa Záhyon Klabér manera Henk Meijer y Henriët van der Molen a menciona.
Por wak e resumen di e peleanan di Záhyon Klabér y Joshua Klabér ariba Facebook di Stichting Brazil Taekwondo den fin di siman.
