Locual cu minister a bisa p’e, cu Serlimar mester keda existi. Sinembargo e trahadonan kier sa con nan ta para. Raad van Toezicht tin un persona kende ta director di SETAR y e trahadonan kier p’e sali for di eyden.
Nan kier mira cos nobo y a priminti e trahadonan cu den corto tempo lo tin un nombracion di Raad van Toezicht nobo y cu STA lo haya su representacion den e Raad van Toezicht aki. Trahadonan a exigi e minister cu nan kier un empleado, cual ta di Serlimar, cu sa kico ta come y bebe di dje, tambe den Raad van Toezicht.
Minister a priminti cu lo haci esaki tambe. Pero no ta guli e pildo di bay traha y bin bek. A dicidi cu nan lo keda para y kier mira cambio urgente. Kier mira Madeline Lacle, saca for di Serlimar, sea minister ta manda un carta, par’e y pone riba non-actief y e señora cu ta traha eyden y ta cobra 700 florin pa dia, tambe sali for di Serlimar.
Dialuna e Hulandes di Raad van Toezicht cu ta traha cu FASE y ta firma pa placa, e ta esun cu a corta e cadena pa habri porta di Serlimar. Ora cu el a yega, el a yama e trahadonan pa ‘poppenkast’.
Ora cu a atende cu ne, e tin suerte cu e no a haya sla. Aki el a bin insulta e trahadonan y a dicidi cu diamars tampoco nan no lo traha. Lo sigui cu nan welga. Y si nan keda exigi pa bay traha, e trahadonan ta baha bay Parlamento.
“Nos no ta bay laga hunga cu nos mas. Cu cada biaha cu nos ta welga y bay traha, no ta haci nada. Aworaki nos ta welga, nos ta keda para riba nos derecho. Si nan no kier bin atende nos, nos ta bay parlamento mañan,” segun shopsteward di STA Yuri Schwengle.
Pa cobertura mas amplio lesa edicion di TREMPAN mañan.
