Mrs. World ta e prime certamen di beyesa pa hende muhenan casa, crea desde aña 1984. E ta e certamen ruman di Mrs. America y entretanto a bira esun mas grandi na mundo. E ta organisacion ta conta cu sosten den 80 diferente pais rond mundo. E certamen di e aña aki ta tuma luga awenochi na Las Vegas, Nevada. Aruba ta conta cu participacion di Ysaura Wong-Giel, casa di e conocido Clifton Wong y ta mama di 2 yiu.
Mester menciona cu aña pasa tambe e certamen di Mrs. World a tuma luga na Las Vegas y Jennifer Lê di Vietnam a bay cu e titulo maximo. E aña aki un total di 51 candidata ta participando, representando nan pais. Esey ta un aumento drastico si compara cu na 2017 tibetan 36 participante na Peru, na 2018 tabatin 35 participante na Hong Kong y aña pasa tibetan 35 participante na Las Vegas. Pues e aña aki ta un crecemento grandi. E ultimo biaha cu tabatin mas di 50 participante tabata na 2011 na Orlando, Florida y na 2009 na Vietnam cu tabatin 78 participante.
E paisnan cu a gana e certamen mas di un biaha tabata Rusia y Peru 2 biaha y Merca a gana e certamen 6 biaha.
