E aña aki tin varios beyeza compitiendo na mes momento den diferente concurso international di nivel haltisimo. Den e luna di December lo tin 3 evento masha grandi mes y ARUBA ta den tur 3.
For di GLW Foundation y su director George Winterdaal a duna di conoce cu e ta masha orguyoso cu GLW Foundation ta sirbi como un plataforma pa crea beyezanan pa representa nos isla den exterior.
E aña aki tur nos reinan pa e competencianan grandi international a pasa bou guia tambe di GLW Foundation manera nos actual Miss International Aruba cu a representa Aruba recientemente na Japon den Miss International Daniela Piazzi a compete den Miss Teen Aruba International 2015 y a keda como 1era finalista y a representa Aruba na Rep Dominicana logrando e titulo di Grand Prize Beauty World 2015.
Ghislaine Mejia nos actual representante na Miss World cu ya caba ta na London na aña 2011 tambe a competi den e concurso di Miss Teen Aruba International.
Danna Garcia nos actual representante pa Miss Universe cu pronto ta Sali pa Atlanta Georgia na aña 2016 a keda corona como Miss Teen Aruba International y a representa Aruba na El Salvador kedando como Vi Reina de las Americas 2017.
Ysaura Wong Giel kende no ta un persona desconoci den e mundo di beyeza aki mirando cu na 2001 a competi na e certamen Miss Teen Aruba y a keda cu e titulo di Miss Teen International a representa Aruba den exterior y a gana Miss Teen American Continent, despues a logra Miss Aruba International y a representa Aruba na Japon y na 2011 bou halanan di GLW Foundation Ysaura a competi den e su prome competencia como Sra y aki a keda como Sra. Milenium , na aña 2012 Ysaura a representa Aruba un biaha mas na Russia e biaha aki den e concurso di Mrs. Universe unda e la keda como Mrs. Universe LTD cual ta imagen di e certamen y esey a duna Aruba e oportunidad di organisa e concurso na 2013 aki na nos isla unda mas di 33 pais a participa. Despues di a tuma un break den e mundo di beyeza pa atende cu asuntonan di salud di su yui muher awor Ysaura ta sinti su mes cla atrobe pa un otro reto y ta conta 100% cu apoyo di su casa y yuinan den e proyecto aki.
Ysaura ta representando nos dushi isla di Aruba na Las Vegas pa e concurso di Mrs. World unda tin mas cu 50 pais ta competi, e competencia lo tuma lugar diabierna 6 di December na Westgate Resort na Las Vegas y nos no tin ningun duda cu Ysaura cu su amplio trayectoria y experencia lo sa di hiba Aruba su nomber na halto. Bo tambe por vota pa asina Ysaura por drenta automaticamente den e top 15 , bai riba nan website www.mrsworld.com y vota pa Aruba, e ta costa $2.50 y tur placa recauda ta bai pa varios instancianan caritativo. Keda pendiente di nos reinanan den exterior y ban apoya cada un di nan. Si bo tin un yui di entre 14 pa 18 aña of abo hoben kier siña mas di e mundo di belleza y ta desea di representa Aruba den exterior anto yamanos na 5616151 pa asina ricibi mas informacion di nos elleccion 2020.
