Ricibi 4 aña di mantencion gratis durante Yrausquin Easter Sales Event

Yrausquin semper ta purba di bin cu eventonan atractivo pa su clientenan. Recientemente tabata tin e Figo Test Drive event, caminda cu e hendenan por sinti con e Ford Figo renoba ta core riba caminda y su opcionnan. Awor aki nan tin e Easter Sales Event, cual ta e temporada aki. Tin masha tiki modelo di 2018 cu mester bay.

Busca bo auto na Yrausquin durante nan Easter Sales Event y gana premionan super atractivo

Busca bo auto na Yrausquin durante nan Easter Sales Event y gana premionan super atractivo.Registra awor!👇🏼🚘Yrausquin.com/24ora

Posted by 24ora on Monday, April 8, 2019

Tin solamente un Ecosport ainda 2018 cu rebaho di 5,675 florin. Tin un Ford Figo 2018 awo pa solamente 29,830 florin, y un Explorer 2018 cu rebaho di 7,452.50 florin. Di Mitsubishi tin un ASX 2018 ainda cu rebaho di 5,450 florin. Masha poco auto nan tin di 2018. Tur tin cu bay na prijs super atractivo.

Tambe nan tin dos Montero Sport den diesel 2018 cu rebaho di 8,735 florin. Adicionalmente tin specials riba modelonan 2019. Pa solamente autonan di Mitsubishi ta dunando 4 aña di servicio gratis pa modelonan 2019. Cu Ford tin riba cierto modelonan 2019 garantia te cu 7 aña.

Asina ta bin cerca Yrausquin caminda bo por busca e auto di bo soño y gana premionan manera un brunch pa dos, dinner for two, Quick Lane® services, caminda cu bo por service bo auto, cua marca cu e por ta y sea ta right hand drive of left hand drive. Tambe bo por gana un voucher pa por haya mercancia, manera shirts di Mercedes-Benz of Ford. Tin premionan hopi leuk.

Y pa e chikitinnan, Easter Bunny lo tey presente y tambe ta bay tin face y egg Painting. Fuera di esey FunMiles lo tey presente y por inscribi. Si bo no ta miembro, bo por inscribi y lo tin diferente premio pa nan clientenan cu tin Fun Miles.

E premio mas grandi di e dia ey pa Fun Miles ta 15,000 Fun Miles. Tin diferente motibo hopi leuk pa bin Yrausquin diasabra 13 di April, for di 9’or di mainta pa 1’or di merdia. Un invitacion ta bay pa tur esnan cu kier un auto nobo y tambe segunda mano.

Banconan lo ta presente cu interesnan special riba e dia aki pa autonan nobo y di segunda mano.

CMB

Nan special pa e evento aki lo ta nan campaña vigente cu ta rate di 6%, termino di un maximo di 6 aña y opcion di 6 luna di periodo di gracia riba e pagonan.

RBC

Pa e evento aki so, RBC su rate lo ta di 5.5% pa financiamento di autonan nobo riba un termino di 7 aña. Pa autonan segunda mano, e financiamento lo ta riba un case by case basis y e ratenan ta varia for di 7.25% pa 8.25%. Sinembargo, esaki ta combina cu un downpayment di 15% pa beneficia di e special aki, pa autonan segunda mano solamente. Financiamento di autonan secunda mano ta pa autonan cu no ta mas bieu cu 9 aña.

Aruba Bank

Oferta cu Aruba Bank ta bin cun’e ta

  • Rate: 6.5%
  • 3 luna “buy now pay later”
  • 12% riba autonan second hand

Si bo kier mas informacion of bo kier traha un afspraak pa bin, pa haya reminder via email, subi riba nan website, www.yrausquin.com/24ora y eynan bo por traha bo cita.