Bow precensia di su excelencia minister sr. Otmar Oduber, gerente di benta di Yrausquin sra. Christina Yrausquin tabata tin e honor di entrega 22 Freightliner truck nobo na director di Serlimar sr. Henley Davelaar. Ta trata aki di 18 truck di sushi, di lokual 5 ta pa recoge desperdicio commercial y 13 pa residencial, y 4 Roll-on Roll-off truck marka Freightliner.

Un di e motibonan mas importante pakiko Yrausquin a gana e bid ta cu Serlimar tin hopi aña di bon experiencia cu e marka Freightliner y nan a comproba di ta trucknan di bon calidad, confiabel y duradero. Aserka di esey Serlimar tawata tin cierto rekisitonan cu e trucknan aki mester a cumpli cu nan pa nan ta adequa. Ademas, Yrausquin tawata tin e miho oferta di tur bid. Otro motibo ta cu Yrausquin ta un dealer ful operacional cu un garage apto, tecniconan capacita pa mantene y repara e trucknan aki, cu un team su tras den e departamentonan di Body Shop, piesa y Quick Lane, dedica pa duna servicio excepcional. Por ultimo pero no menos importante, Yrausquin lo duna entrenamiento regularmente na e personal di Yrausquin y Serlimar.

Yrausquin, agente exclusivo na Aruba di e marcanan renombra rond mundo Ford, Lincoln, Mitsubishi y Mercedes-Benz, tin 67 aña ta mantene e comunidad di Aruba mobiel y ta brinda servicio excepcional na su cliente, awo ta recien distribuidor exclusivo na Aruba di e marka legendario Freightliner ofreciendo trucknan medium y heavy-duty innovativo y duradero.

Desde 1942 Freightliner ta lidera e industria di trucknan como pionero. Awe, Freightliner ta e marka number 1 di benta di trucknan heavy-duty na Merca y ta continua cu su historia di innovacion, trahando trucknan ingeniero cu ta juda companianan desaroya. Yrausquin ta hopi orguyoso di ta representante di Freightliner, cu e miho di e miho, un motor Mercedes-Benz cu rendimiento solido, cu un transmision Allison. E Roll-on Roll-off trucknan ta bin cu e motor MBE400 y e trucknan di sushi cu e motor MBE 500. E motor MBE400 a wordo desaroya specíficamente pa Freightliner y ta parti di e famia Detroit Diesel. E transmision Allison ta e diseñado, fabricante y distribuidor mas grandi di transmisionnan completamente automatico di medium y heavy-duty trucknan rond mundo.

Yrausquin ta conoci pa su passion pa auto pero un di Yrausquin su balornan mas importante ta famia. “Nos na Yrausquin ta sumamente orguyoso cu Serlimar tambe a bira parti di nos famia. Nos ta desea Serlimar hopi exito cu e trucknan nobo y cu nan drivernan core hopi kilometer safe y comodo, como tambe tin un gran experiencia di conduci.”, asina Christina Yrausquin a comenta.

Pa keda altanto di tur promocion y ofertanan di Yrausquin, bishita nan website www.yrausquin.com of sigui nan riba Facebook na www.facebook.com/yrausquinaruba of Instagram @yrausquinaruba. Ademas por pasa libremente na Yrausquin situa na L.G. Smith Boulevard 112 of jama na 524 4444 pa mas informacion.

Comments

comments