Yobida ta un problema potencial pa criaderonan di sangura cu ta transmiti malesa

Durante e fase aki, tin posibilidad cu sangura ta broei mas y e lo tin mas posibilidad si algun di nan ta keda infecta, e lo por transmiti e malesanan aki.

Una bes cu un sangura keda infecta, e por transmiti e virus via e webonan, e webonan ta broei, ta saca un larva, ta bira adulto y e adulto ta keda infecta pa bida.

Esey ta e problema cu nos tin. No solamente e ta ataca e sangura adulto. Nos mester ataca e webonan, e larvanan cu ta den e criadero.

Te awor aki no tin casonan registra, cu excepcion di un caso den luna di October, pero no tin mas caso. Esaki tabata uno isola.

En general, e datonan epidemiologico di infeccion, ta casonan mas grandi y cu lo por ta epidemia, ta durante temporada di yobida. Pasobra e combinacion di awa cu ta cay, solo ta dal duro, e ta faborece broeimento di sangura.

Mas tanto e problematica lo ta presenta casonan isola, despues e ta bira cluster, djey e ta bira un epidemia completo. Mas tanto den luna di December, Januari, Februari, te cu Maart, esaki por sosode.

Malesanan transmiti via sangura, ta depende di diferente factor. Uno ta depende di e cantidad di e virus cu ta drenta e organismo. No ta mescos cu un sangura, cu ta pica un hende, cu varios sangura. Mientras mas cantidad di virus, mas ta e reaccion di e persona.

Otro punto ta e condicion di e persona. Si e condicion di e persona, cu tin un reaccion inflamatorio severo, su severidad lo bay ta mas tanto.

Tin cu corda cu tur e virusnan aki ta autolimitante. E tin un periodo den e curpa humano, cu no ta dura mas durante su fase di malesanan, como tal, no ta dura mas di shete dia. Problema ta keda e parti inflamatorio di nos curpa.

Si e ta traha asina duro, tin mas consecuencia grave. Si ta traha mas suave, ta menos.

Dengue tin cuater zerotipo. Si un persona ta wordo pica pa cuater zerotipo durante su fase den su bida, e persona aki ta inmune. E no lo bay tin ningun tipo di malesa di Dengue, ni tampoco desaroya cualkier otro tipo di infeccion.

Si e persona a yega di haya Dengue 1 y e lo por keda infecta despues cu Dengue 2, 3 of 4, e tin un chens di haya complicacion. Esey ta nifica, cu si un persona haya e cuater zerotipo di un biaha, e ta inmune. No tin ningun otro infeccion. Solamente ta e di dos infeccion pa e otro zerotipo di dengue, lo por causa complicacion, cinco pa dies porciento di posibilidad di haya complicacion.

E problema ta cu e sangura, una bes cu ta keda infecta, durante henter su bida e ta keda infecta. Si e ta infecta un persona cu ta sano y e persona ta haya infeccion, e otro sangura cu no tabata tin infeccion, ta keda infecta tambe. Hasta una bes cu e sangura keda infecta, e webonan tin e virus y ora e deposita e webonan den e area di awa unda cu ta para, e larva ta infecta y e sangura adulto, una bes cu e ta bira asina, e ta keda infecta.