Gran parti di locual ta e parkeerplaats, e caya y acera ta bou di awa den Rumbastraat. Cu e yobida di ayera nochi y tempran awe mainta e sitio conoci aki den cercania di AZV, DTZ y Oficina di Belasting (DIMP) a bira un biaha mas un caos pa automomilistanan.
Pa e motibo aki mester a activa un operacion di rescate uzando servicio di Jean Towing, pa haci lo posibel pa saca e vehiculo y chauffeur for di e situacion cu nan tabata aden. Un auto marca KIA modelo Sportage a purba crusa y a keda pega den awa. El a bay purba su suerte pero e consecuencia ta bisto. Riba e imagen por mira con awa a drenta te paden di e auto.
Tin cu menciona cu no ta un pero varios vehiculo ta purbando di crusa y no ta midi e haltura di e awa den e caya aki y cu por causa daño na nan vehiculo. Tur indicacion ta duna cu e area aki ta construi den cercania di un rooi y cu ta yena na momento cu awa yobe y ta causa e situacion aki. Ta conseha pa awe tur chauffeur evita e caminda aki pa no haya nan den gastonan innecesario.
