Diamars den oranan di atardi a pidi presencia di Polis den Hugo de Grootstraat na Playa. E caya aki ta keda pazuid di Maria College.
Na yegada di patruya a bin tende cu tabata trata di un problema familiar. Un yiu cu ta biba cas di su mayornan aparentemente a haya problema y discusion cu famia. El a bira asina fastioso ora cu e discusion a bira intenso, cu hasta el a lansa menasa di morto, cu famia mester a yama Polis pa yuda nan.
Mirando cu e Polisnan no por a logra calm’e, y e hecho cu el a lansa un menasa serio, a dicidi di hib’e Warda di Polis.
