Diasabra merdia a sosode un accidente basta pisa na Tamarijn. Testigonan a expresa cu e auto tabata coriendo hopi duro y casi bula riba caminda. Na Tamarijn yegando crusada di Sero Pita e chauffeur a perde control na stuur di e Nissan. El a ranca palo di lus medio baha caminda laga e auto tur kibra.
El a baha caminda na man drechi pero mirando e velocidad a bin para mas leu di e impacto y otro banda di caminda. Algun hende eybanda cu a tende e sla a core sali pa mira situacion di e chauffeur. A cuminsa haci oracion cu e chauffeur pa tur cos ta bon cune paden y pafo. Polis cu a yega a haya e mama cu tambe a presenta.
E mama a core conta Polis cu e ta na stuur di e auto. Polis a puntre kico a pasa y kico tabata sinti. Su storia no tabata klop mientras cu testigonan cu a evita cu e chauffeur accidenta a dal den nan a conta cu ta e hoben tabata na stuur y ningun rato e mama. A resulta cu e mama kier a gaña pa e yiu. E yiu no tin rijbewijs. Polis a bay cu e yiu warda pa motibo di e gañamento riba e accidente. E auto no ta sirbi mas. E hoben chauffeur a scapa milagrosamente. Takelwagen a bin pa hala e auto. Elmar tambe a bin pa atende cu e palo di lus ranca.
