Dialuna atardi algo pasa di 4’or polis y tambe ambulance a wordo pidi cu urgencia na Eagle Beach, unda lo tin e Watersport rentalnan. Segun informacion e momento eynan, dos persona a accidenta ariba lama cu Waverunners y nan lo ta treciendo nan tera. A resulta cu tawata un pareha Venezolano.Pa un of otro motibo durante cu nan tawata disfrutando di e machinenan, e accidente a pasa.
Loke nos a compronde ta cu e pareha tawata ariba nan Waverunner y swa of ruman homber di e dama tawata ariba in otro.E accidente a sosode momento cu e homber a yega bira dilanti su swa. Mirando con lihe e cos a pasa, e swa no por a evita e impacto y ta dal cu velocidad halto contra casa di su ruman muhe.Su ruman muhe sinta patras di e Waverunner cu su casa ta scapa milagrosamente. Despues di e impacto e homber a keda boca abou ta drief.
Hendenan cu a yega cerca y lihe a logra bire y trece tera.El a keda seriamente herida cu golpinan interno.Informacion cu nos ta dispone di dje ta indica cu door di e impacto e lo a fractura un of mas ribchi, causando cu esaki a perfora un of organo. Si situacion ta serio pero stabiel.