Downtown Management Organization a anuncia cu Rachelle Laclé lo bira Operations Manager entrante 1 di september.
E lo traha di cerca cu e stakeholdernan pa desaroya e vision ‘World of Punda.’ E plan aki tin como meta trece bida bek den centro di ciudad y pa transform’e den un luga anima y acogeder pa e residentenan como tambe e empresario- y bishitantenan. Presidente di DMO, Michelle Metsch, a indica cu Laclé lo hunga un rol importante den e fortalecemento di e situacion cultural y comersial na Willemstad. Laclé, cu ta considera su mes un “Arubiano namora di Corsou”, ta di descendencia Arubiano y tin un admiracion profundo pa e historia, cultura y naturaleza di Corsou.
Xu mas cu 20 aña di experiencia profesional, el a lidera diferente mercado mundial manera Marriott International y Sotheby’s International Realty. Danki na su formacion multidisciplinario den operations, maneho di proyectonan den marketing, combina cu su pasion pa Corsou, e por contribui c’un perspectiva di liderazgo nobo n’e revitalisacion di Punda, segun DMO.
