Diabierna mainta ta pidi presencia di Polis cu urgencia pa un adres na Caya Parapete na Savaneta. Yiu tabata deremate. Droga keto bay ta un problema grandi na Aruba y ta causa hopi dolor y tristesa den varios famia.
Un persona adicto na droga a yega na cas di su mama pa puntra /exigi pa e haya plaka. Aunque e mama a bise pa warda pa wak cu kico e por yuda, asina mes e persona aki a cuminsa kibra varios bentananan na parti dilanti, tambe na banda y patras na e cas mientras menasando cu e lo pega e cas na candela.
E mama cu ya caba tabatin varios incidente cu su yui den pasado, a tene e porta bon sera te ora Polis a presenta.
Polis a yega rapidamente y a deteni e persona hiba pa warda. Algun bisiña a bin mesora pa duna e mama sosten moral. Ta tristo cu prensa cada biaha tin cu publica casonan asina pero di algun forma tin cu pone luz riba e problema aki, pa asina esnan concerni por tuma cierto paso encuanto adictonan riba nos Isla. Ta keda boga pa un solucion y ayudo na e grupo aki.