Awe tardi aproximadamente di 4:50PM, polis a presenta na un cas Jan flemming Sta Cruz pa un discusion cu a bay completamente for di man na momento cu e yiu muhe, acompaña pa dos otro homber a drenta cas di su mayornan y maltrata e tata formalmente.
Segun por a compronde na sitio for di e mama, cu e yiu muhe aki y su tata tin varios dia caba den discusion pisa cu otro. E discusion ta basa riba e echo cu e yui muher a presta e tata un plachi number cu ambos ta usa, pero awe e yiu muhe a dicidi di bin busca esaki sea como sea awe.
Segun e mama ta conta, e yiu muhe a yega cas awe tardi cu otro dos persona den un pickup shinishi, baha y cuminsa yena e cas cu piedra. tambe na a yena e vehiculo di e tata cu piedra causando bastante daña material. Pero esaki no tabata suficiente pa e yiu muhe, nan a dicidi di drenta paden di cas tambe y agredi e tata cu piedra y pat’i cabra den cabes lagando e tata herida atras.
Na momento cu polis a presenta e victima a informa cu nan a bando na e sitio caba, a pidi ambulance mes ora pa atende cu e victima cu tabata sangra bastante a consecuencia di e maltrato cu el a ricibi. Polis na sitio a atende e caso mientras a transporta e victima pa Hospital pa tratamento medico avansa.
