Yena formulario pa ayudo extra den bijstand sino ta keda sin hay’e

Den un conferencia di Departamento di Asuntonan Social, a duna un splicacion di e ayudo financiero extra cu Gobierno ta bay ta dunando den luna di september awor na tur persona cu tin un bijstand.

Relacionista Publico di DAS, Jesseline Soto-Kelly, a splica cu e ayudo financiero ta consisti di dos parti cu ta: schooluitkering y ouderlijke bijdrage. E ayudo financiero ta pa tur persona den bijstand. Sea normal of gunst (esnan cu ta entre 4 y 24 aña y cu ta bay scol regular di dia). Ta duna e ayudo aki un biaha pa aña den luna di september. E schooluitkering ta consisti di un suma di 220 florin pa cada persona, cu un maximo di 800 florin pa famia. E pagonan ta tuma luga dia 7 di september y tin como meta pa yuda e famia cubri e articulonan i scol pa e studiantenan.
E ouderlijke bijdrage ta pa e contribucion cu mayor mester duna na scol. E ta consisti di 120 florin pa cada persona, y si e contribucion ta mas halto, e mayor mester cubri e diferencia aki. E suma di 120 florin no ta wordo inclui den e pago di september, pero ta bay directamente pa e scol.

Dep. Asunto Social: Compensacion social pa aña escolar nobo

Posted by 24ora on Tuesday, August 13, 2019

Pa por haya e ayudo aki, mester busca na scol di bo yiu e formulario di DAS, yena esaki y entrega esaki, pa dia 23 di augustus na DAS San Nicolas of prome cu 30 di augustus, na DAS Playa. Pues di dia 23 e formulario aki por wordo entrega solamente na DAS na Playa. Pa entrega e formulario mester bini cu e carnet di bijstand.
Si no cumpli cu e deadline,e bijstand di e cliente ta wordo blokea. P’esey ta importante pa cumpli cu e deadline. Y bo ta perde e derecho pa haya e ayudo aki. Esnan cu no trece e declaracion di scol tampoco lo haya e 250 florin cu ta haya mensualmente pa e “kindertoelage”. E luna cu bo no a cumpli no ta haya esaki bek. Mayornan a haya notificacion caba di tur e rekisito cu nan mester cumpli cu nan.

Mayornan cu nan yiunan no ta haya bijstand, sea tata of tata, toch mester entrega e formulario menciona. Personanan riba 24 aña cu por ehempel ta bay IPA, tambe mester entrega esaki como prueba cu ta bayendo scol.
Aworaki, segun Rudy Wester waarnemend chef di Bijstand, entre 400 pa 500 ta haya e ayudo aki, cu a bin ta dunando pa basta aña caba (mas cu 10 aña).

Comments

comments