E homber Nilson Diaz Contreras ta naci na Colombia 8 di February 1988. El a yega Aruba dia 2 di February. Dia 3 di February Polisnan a gare ta horta den un cas na Westpunt hunto cu otro paisano di dje. Den su poder a haye cu tas y den e tas tabata tin screwdriver y un semi pata di cabra nobo nobo. Tambe un grip special. Tur esaki a keda confisca. Dia el a yega Aruba 2 di February el a duna Hotel California como su lugar di estadia na Aruba. El a haya un siman for di Imigracion. Por bisa cu ta un solo dia el a keda den Hotel pasobra e dia siguiente el a drumi den cel na warda di Polis. Esaki ta un Colombiano cu a yega Aruba como turista. Bisti decentemente a drenta y ora a detene ainda e tabata bisti decentemente. E ta procedente di Norte di Santander. Mescos cu esaki tin hopi mas ta yega Aruba y actua mescos. Tanto di Colombia pero tambe di Venezuela tin hendenan cu ta cay sera pa delitonan cometi. Esaki naturalmente riba rednan social ta lanta basta comentario di esnan procedente di e mesun paisnan aki. Nan ta critica fuertemente nan paisanonan cu ta bin daña nomber di nan pais na Aruba. Hopi Colombiano y Venezolano ta na Aruba y hiba un bida normal y trahando sin haya problema cu husticia. Den e caso aki tin algun apel putri cu ta yega y esaki ta loke nan sa bin haci. Dimes Polisnan no ta duna chens na esnan cu nan gara cometiendo un delito.
