Yee Mei Cheong di Eagles ta tira un no hit no run contra Rockets

Campeonato U17 fast pitch femenino di Aruba Softball Bond a continua. Eagles a fuerte riba e muchanan di Rockets y tras di un performance excelente riba monticulo di e hobencita Yee Mei Cheong kende a lansa porcierto un no hit no run e equipo di Eagles ta mantene su invicto derotando Rockets mediante un black out.

Boxscore final Eagles 19 careda, 13 hit, 0 error y ta laga 3 coredor na base. Rockets 0 careda, 0 hit, 6 error y ta laga 1 coredor na base. Mihor bateadornan pa Eagles U17 ta Keyla Cham 4-2 cu 2 rbi mas 4 careda anota, Yee Mei Cheang 2-2 cu 1 rbi mas 3 careda anota, Destiny Johnson di 4-3 incluyendo un doblete, Alana Borja Pitre 3-1 cu 2 rbi, Kyanne Brooks di 3-2 cu dos careda anota, Xiorcaniyx Vargas y Dyanisha Illidge ambos di 2-1, Ashmilayne Maduro di 2-1 cual bataso tabata un doblete.

Rising Star Yee Mei Cheong a lansa 14 bola, 29 strike pa un total di 43 lansamento y no ta permiti careda tampoko hit ponchando un total di 8 bateador y ta regala 1 base por bola seyando e victoria riba su nomber. Jaysjeliene Kock ta bay 2 tercio di un inning tirando 28 bola, 24 strike pa un total di 52 lansamento permitiendo 10 careda y ta regala 4 base por bola y ta bay cas cu e derota. Zulaima Croes ta drenta releva y ta tira 25 bola, 33 strike bon pa 58 lansamento permitiendo 9 hit y 9 careda regalando 2 base por bola.  Campeonato U17 ta atrayendo bastante fanatico y sigur ta un klasse pa desaroya nos muchanan. ASB kier bay pa un Liga U15 tambe den 2020.

Campeonato ta continua diabierna awor pa 7pm sharp sharp na Pos Chiquito momento  cu den categoria AA pa Rockets vs Eagles y pa 830pm Aruba Bank Lady Tigers vs Jaguars Vitamin Water. Diasabra 7 di September pa 3pm Lady Blue Marlins vs Eagles (U17) y pa 5pm Jaguars Vitamin Water vs Eagles den categoria AA. Pues e siman aki nos tin compromiso cu softball femenino na Pos Chiquito. Softball a la carga!!

Comments

comments