Yamada na comunidad latino pa dun’un man na esun den necesidad

Tur hende ta consciente cu e situacion awo cu hopi hende ta aden no ta mucho di gaba, awo cu ta pasando den un pandemia. Sinembargo tin organisacion cu ta habri na porta pa asina brinda un apoyo na esun cu tin mas mester.

Ta p’e motibo aki mes Fundacion Dominicana Arubanse Juan Pablo Duarte a sa di dun’un man y aporta na comunidad, dunando sosten pa e ruman den necesidad.

Pasa haci bo donacion pa yuda famia den necesidad

Pasa haci bo donacion pa yuda famia den necesidad. Click link pa mas https://24ora.news/3p7IDjJ

Posted by 24ora on Saturday, December 18, 2021

Presidente di e fundacion, Wilson Tavares-Portes, a indica cu nan tin un colecta di comestibel pa e personanan cu ta menos fortuna den e pandemia aki.

Manera tur aña a fundacion ta bin ta haciendo e colecta aki. Por pasa laga e contribucion n’e fundacion. Por trece loke por, manera blek’i tuna, azeta, un saco di aros y tambe por haci un donacion.

Pa mas informacion y pa por comunica cu nan por yama telefon 5697922, 5921679, 5623093. For di awe por trece e comestibelnan pa e personanan menos fortuna.

Tambe por haci un deposito pa donacion na RBC number di cuenta 4473094 na nomber di Fundacion Dominicana Arubanse Juan Pablo Duarte.

Ainda e aña aki nos ta pasando den pandemia, pero pocopoco mundo ta desaroyando. E pandemia no ta avansando y hopi hende a perde trabao.

Ta contento toch cu e fundacion, a pesar di e pandemia nan t’ey. Den tur e añanan cu nan tin ta existi, ta gradici un y tur, tur patrocinado y en especial e comunidad Dominicano cu a sa di aporta cu e fundacion ta riba pia y lo sigui colabora cu comunidad, caminda cu tin mester.