Ya for di marduga e boto Venezolano a yega Boca Catalina

Manera ta conoci, ya caba tin un situacion cu a presenta caminda aparentemente for di marduga tin un boto cu a drenta, den un area cu ningun hende a ripara. Aunke tin hopi movecion eybanda, tin hopi hende ta biba eybanda, toch ta te mainta nan a ripara cu tin un boto cu no ta local para eynan.

Kico nan a bin haci, no sa. Pero probablemente ya polis tin mas informacion riba e caso aki. Polis tabata tey y a handle full e caso aki te den oranan di merdia

Polis mester autoridad perdi na 2008 bek pa garantisa mas seguridad

Posted by 24ora on Sunday, January 7, 2018

Lito Lacle, vocero di Cuerpo Policial a conta pa 6’or di mainta melding a drenta via central cu na Boca Catalina, un boto a yega cu yama Las Gemelas cu dos persona abordo. Ora cu patruya a yega eynan, nan prome declaracion tabata cu nan tabata perdi for di 4 di Januari y awor cu nan a mira costa, nan a landa yega costa y meld cu nan tabata perdi.

Consecuentemente patruya a tuma nan over. E boto a wordo poni na Barcadera. Slachtofferhulp a percura di e dos personanan aki. Awor aki nan ta den un shelter. Nan a haya cuminda y paña, en espera di wordo manda Venezuela. Probabilidad ta cu nan mes lo uza nan boto pa bay bek Venezuela. Cuerpo Policial a percura pa nan haya sparkplugs y gasolin pa asina facilita nan baymento bek Venezuela.

 

Con nan a yega

Segun Lacle, e dos naufragonan a bisa cu nan motor a daña y nan no tabata tin otro salida. Ora cu nan a haci diferente seña na diferente boto cu a pasa cerca di nan, pero en vano. Te ora cu nan a mira costa di Aruba. Te ora un di nan a bula den lama y landa cu e boto direccion tera.

 

Kico lo bay sosode

Esaki ta hole straño, pasobra ta di tres movecion straño den menos cu dos siman den e mesun area. Segun Lacle, tin cu bay bek na tekentafel cu tin cierto areanan na Aruba, cu tin blind spot via radar cu e botonan aki ta drentando. Si e motor a daña, e radar no lo wak’e. E hendenan cu ta maneha e beleid, mester bay bek hunto y evalua ki strategia tin cu bay uza den futuro y ki material tin cu uza den futuro pa evita cu esakinan pasa.

 

Piscado

E personanan aki tabata tin articulo pa pisca abordo, reda, liña pa pisca, etc. Cosnan cu nan papia, a bin cuadra. Lacle a splica cu a papia cu su coleganan di Maritiem y a confirma esakinan.