Entrante awe, dia 1 di November, lo drenta na vigor e ley caminda cu chauffeur di un vehiculo no por stuur mientras cu e ta papia na celular. Polis ya caba ta atento cu esaki y tin cu remarca cu te cu asina leu, ya caba a para cinco auto y a haya un advertencia. Conductornan tin cu tene cuenta cu e ley aki ta uno caminda cu bo por haya 500 florin di boet, si polis mester garabo. Tin cu corda cu haciendo esaki, por scapa bida di hende, ya cu den pasado, pa motibo di e fenomeno di stuur mientras cu ta papia na celular, desgracianan a wordo causa y cu hasta bida a bay perdi. Por fabor, tene cuenta cu esaki.
